कैलाली र कञ्चनपुरबाट अवैध सामान बरामद

धनगढी : कैलाली र कञ्चनपुरबाट प्रहरीले अवैध सामान बरामद गरेको छ । आइतबार कैलालीको धनगढी, जोशीपुर र कञ्चनपुरको बेलौरीबाट प्रहरीले अवैध सामान बरामद गरेको हो ।

धनगढी उपमहानगरपालिका – १ बसन्त टोल र जोशीपुर गाउँपालिका – १ पिपरकोटीबाट अवैध रूपमा भारतबाट भन्सार छली ल्याएका २ लाख १२ हजार २ सय बराबरको चिनी, बदाम, शेरमुनि, कुर्ता, सुर्ती, सिद्रा माछा लगायतका सामानहरू बरामद गरिएको प्रदेश प्रहरी कार्यालय धनगढीले जनाएको छ ।

यस्तै आइतबार साँझ बेलौरी नगरपालिका – ६ नकैयाबाट अवैध रूपमा भारतबाट भन्सार छली ल्याएका ४० हजार ३९० रुपैयाँ बराबरको चिनी, युरिया मल, सुर्ती, कुरकुरे लगायतका सामानहरू  बरामद गरिएको प्रहरीले जनाएको छ ।