धनगढी । पछिल्ला दिन धनगढी उपमहानगरपालिका थप सुन्दर र व्यवस्थित बन्दै गएको छ । नगरको नयाँ नेतृत्व फेरिएसंगै धनगढीलाई देशकै नमुना शहर बनाउने बेग्र इच्छाशक्तिकाबीच धनगढीको मुहार फेरिंदै गएको हो ।
अहिले धनगढी उपमहानगरपालिकाभित्र सडक तथा भौतिक पूर्वाधार निर्माणको कामसंगै रंगरोगन र पेण्टिङ्गको काम पनि हुँदैछ ।
कतिपय ठाउँमा त नगरपालिकाले पेण्टिङ्गसमेत गरिसकेको छ ।
नगरपालिकाले धनगढीको कभर्ड हल वरिपरिको भित्तामा आकर्षक र सन्देशमुलक पेण्टिङ्ग गरेको छ । जुन पेण्टिङ्गमार्फत नगरपालिकाले धनगढी सफा राख्ने सन्देश दिनुका साथै दैनिक जीवनका आवस्यक पर्ने हटलाइन नम्बरहरु पनि ठुलाठुला अक्षरमा लेखिएका छन् ।
यसका साथै नगरपालिका भित्तामा पर्यावरण जोगाउनुपर्ने, वातावरण जोगाउन के गर्ने ?, जथाभावी फोहोर गर्न नहुने जस्ता सन्देश दिने चित्रहरु बनाएको छ । जुन चित्र/पेण्टिङ्गमार्फत धनगढीबासीमा सचेतना फैलिनेमा पनि उपमहानगरपालिकाले विश्वास लिएको छ । अरु फोटो फिचरमा हेर्नुहोस्:
प्रतिक्रिया दिनुहोस्