काठमाडौं : सौर्य एयरलाइन्सले मर्मतका लागि पोखरा जान लागेको जहाज दुर्घटनामा परेको पुष्टि गरेको छ ।
जहाजमा चालकदलका दुईजना सदस्यसँगै १७ जना प्राविधिक रहेको एयरलाइन्स उपमहाप्रबन्धक कर्मचारी उमेश आचार्यले बताए ।
‘जहाज मर्मतका लागि पोखरा जाँदै थियो । त्यहाँ चालक दलका दुईजना सदस्य सँगै १७ जना प्राविधिक हुनुहुन्थ्यो । अचानक क्र्यास भयो,’ उनले भने ।
उनले जहाजलाई क्याप्टेन एम आर शाक्य र कोपाइलट सुशान्त कटुवाल रहेको जानकारी दिए । सौर्य एयरलाइन्सको जहाज बुधबार बिहान त्रिभुवन अन्तर्राष्ट्रिय विमानस्थलमा दुर्घटना भएको थियो ।
प्रतिक्रिया दिनुहोस्