धनगढीः कैलालीमा बिहीवार विभिन्न मुद्धामा दोषी ठहर भइ फरार रहेका ६ जना पक्राउ परेका छन्।
पक्राउ पर्नेमा गोदावरी नगरपालिका–५ का २५ वर्षीय किरण बोहरा, धनगढी उपमहानगरपालिका–१६ का २५ वर्षीय सुनिल चौधरी र चुरे गाउँपालिका–१ का ५४ वर्षीय विरबहादुर घर्तीमगर रहेका छन्। बोहरालाई लागुऔषध मुद्धामा तीन दिन कैद, चौधरीलाई चोरी मुद्धामा ५ महिना आठ दिन कैद र मगरलाई चेक अनादर मुद्धामा २२५ रुपैँया जरिवान तोकेको थियो।
यस्तै चुरे गाउँपालिका–३ का ७० वर्षीय भिमबहादुर थापा, सोहि पालिकाको–६ का ४५ वर्षीय जिवनसिंह रावत र लम्कीचुहा नगरपालिका–२ का ४८ वर्षीय सुधराम डगौरा पक्राउ परेका छन्। पक्राउ परेका थापालाई ९४ हजार ५७०, रावतलाई ९४ हजार ५७० र डगौरालाई २३ दिन कैद र १२ हजार २५०रुपैँया जरिवान तोकिएको थियो।
तीनै जनालाई वनको मुद्धामा अदालतले दोषी ठहर गरेको थियो। पक्राउ परेका सबै जनालाई अदालत बुझाएको कैलाली प्रहरीले जनाएको छ।
प्रतिक्रिया दिनुहोस्