काठमाडौं- आईसीसी क्रिकेट वर्ल्डकप लिग टूमा घरेलु टोली नेपाल नेदरल्याण्ड्ससँग ८ विकेटले पराजित भएको छ। १७३ रनको लक्ष्य नेदरल्यान्ड्सले ३७.५ ओभरमा पूरा गरेको हो।
नेदरल्याण्ड्सको जितका लागि विक्रमजित सिंहले ५८ र अर्को ब्याटर सिब्रान्ड एन्जलब्रेचले ४६ रनको योगदान दिए। दुई जना ओपनर ब्याटर सस्तैमा गुमाए पनि यी दुई जना चम्किँदा खेल नेदरल्यान्ड्सको पक्षमा गएको छ।
घरेलु मैदानमै भएको लिग २ मा नेपालको यो तेस्रो हार हो। यसअघि नेपाल नामिबियासागको दुवै खेलमा पराजित भएको थियो ।
त्रिवि मैदान कीर्तिपुरमा टस हारेर ब्याटिङको निम्तो पाएको नेपालले ४९.३ ओभर खेल्दै १७२ रनको योगफल खडा गरेको थियो। नेपालका लागि ओपनर कुशल भुर्तेलले ६६ रन जोडेका थिए। उनले उनले ९३ बल खेल्दै ८ चौका प्रहार गरे।
यस्तै यस्तै करण केसीले २६, आरिफ शेखले २२, आसिफ शेखले १७ तथा कप्तान रोहित पौडेलले १६ रन जोडेका थिए। ६ खेलाडीले दोहोरो अंकमा रन जोड्न सकेनन् ।
नेपाललाई अलआउट गर्न डचका लागि भिभियन किंगमा र आर्यन दत्तले ३-३ तथा बास डी लिडले २ विकेट लिए।
प्रतिक्रिया दिनुहोस्