धनगढी: धनगढी उपमहानगरपालिकाले २ स्थानमा फूल बिक्री केन्द्र स्थापना गरेको छ ।
धनगढी उप–महानगरपालिका परिसर अगाडि र बोराडाँडीस्ति भाटभटेनी सुपर मार्केटमा फूल बिक्री केन्द्र आइतबारदेखि सुरु भएको नगरप्रमुख गोपाल हमालले जानकारी दिए । स्थानीय किसानले उत्पादन गरेको सयपत्र, मखमली लगायत फूलको प्रवद्र्धन तथाा सहज रुपमा खरिद बिक्री गर्न पाउने उद्देश्यले फूल बिक्री केन्द्र स्थापना गरिएको हो ।
यस वर्ष धनगढीका झण्डै एक दर्जन किसानले व्यवसायीक रुपमा फूल खेती गरेका छन् । उत्पादित फूल तिहारको समयमा सहज र भरपर्दो रुपमा बिक्री गर्न केन्द्र नै स्थापना गरिदिएर किसानले उत्पादन गरेका फूल बिक्री वितरणमा उपमहानगरले सहयोग गरेको हो ।
प्रतिक्रिया दिनुहोस्