बाजुरामा दैविक विपत्तीमा परी पाँच जनाको मृत्यु

बाजुरा, ३० असोज । बाजुरामा दैविक विपत्तीमा परेर पाँच जनाको ज्यान गएको छ । जिल्ला प्रहरी कार्यालय बाजुराका अनुसार विगत तीन महिनामा पाँच जनाको ज्यान गएको हो ।

बाढी र पहिरोमा परेर दुई जनाको ज्यान गएको जिल्ला प्रहरी कार्यालय बाजुरालका प्रहरी नायब उपरीक्षक कविन्द्रसिं बोहराले जानकारी दिए । यस्तै चट्याङ लागेर, लेक लागेर र करेन्ट लागेर एक–एक जनाको ज्यान गएको छ ।

यसैगरी बाढी र पहिरोमा परी एकजना बेपत्ता हुनाका साथै तीन पशुचौपाया र ३० जङ्गली जनावरको ज्यान गएको छ । बाढी पहिरो र चट्याङ लागेर एक पशुचौपाया घाइते भएको प्रहरी निरीक्षक दान सिं भण्डारीले जानकारी दिए ।

उनका अनुसार जिल्लाको धार्मिक तथा पर्यटकीय क्षेत्र बडीमालिकामा दर्शनका लागि गएका दुई तीर्थयात्री लेक लागेर घाइते भएका थिए ।