बैतडीमा जङ्गली जनावरको आतङ्क, किसान लाई बाली जोगाउन सकस

धनगढी, २६ साउन । बैतडीमा जङ्गली जनावर बँदेल, भालु, दुम्सी, बाँदरलगायतले आतङ्क मच्चाएका छन् । जङ्गली जनावरले मानिसमाथि आक्रमण गर्नुका साथै बालीनालीसमेत नष्ट गर्न थाले पछि किसानलाई बाली जोगाउन सकस भएको छ ।

दिउँसो बाँदर र रातिको समयमा बँदेल, दुम्सीले मकैबाली नष्ट गर्न थालेको दोगडाकेदार–३ श्रीकोटका डम्बर जोशीले बताए । मकैबाली जोगाउन रात दिन बारीमै जाग्राम बस्नुपरिरहेको अर्का किसान झिमा विष्टले बताए ।

किसानले मेहनत गरेर लगाएको बाली बर्सेनि जङ्गली जनावरले सखाप पार्न थालेपछि चिन्ता बढेको किसान हरुको भनाई छ ।