दिनेश फाउन्डेसनले वडा कार्यालयलाई दियो ३२ हजारको फ्रिज

धनगढी । दिनेश फाउन्डेसनले वडा कार्यालयलाई फ्रीज सहयोग गरेको छ । शुक्रबार फाउन्डेसनले धनगढी उपमहानगरपालिका वडा नम्बर ४ को कार्यालयलाई फ्रीज सहयोग गरेको हो ।

गर्मीयाममा कार्यालयका कर्मचारीलाई सहज होस् भनी फ्रिज सहयोग गरेको दिनेश फाउन्डेसनका अध्यक्ष व्यवसायी श्याम हमालले बताएका छन् । उनले १९० लिटर क्षमताको फ्रीज वडा कार्यालयमै पुगेर अध्यक्ष बुद्धिबहादुर खड्कालाई हस्तान्तरण गरेका हुन् ।

३२ हजार मूल्य बराबरको फ्रीज सहयोग वडा कार्यालयलाई सहयोग गर्दै व्यवसायी हमालले आगामी दिनमा थप सहयोग गर्ने प्रतिबद्धता जनाएका छन् ।