श्री एयरलाइन्सका आजका सम्पूर्ण उडान स्थगित

धनगढीः श्री एयरलाइन्सले आजका सम्पूर्ण उडान स्थगित गरेको छ।

शनिवार साढे तीन बजे काडमाण्डौंबाट धनगढीका लागि उठेको श्री एयरको विमानमा समस्या आएपछि आइतवारका सम्पूर्ण उडान स्थगित गरिएको हो।

एयरलाइन्सले प्रेस नोट सार्वजनिक गर्दै आइतवारका सम्पूर्ण उडान स्थगित गरिएको बताएको छ। आइतवार कम्पनीका सबै विमानको प्राविधिक परीक्षण गर्ने निर्णय भएको बताइएको छ। सोमवारदेखि भने सबै उडान नियमित हुनेछ।