कैलाली। धनगढीमा मादक पदार्थ सेवन गरी आफ्नै घरमा आगो लगाउने एक व्यक्तिलाई पक्राउ परेका छन्।
धनगढी उपमहानगरपालिका–३ बोराडाडी डिलासैनी टोलका ५२ वर्षीय बिर बहादुर विष्टले मादक पदार्थ सेवन गरी शुक्रबार राति आफ्नै दुई तले पक्की घरमा आगो लगाएका थिए। जिल्ला प्रहरी कार्यालय कैलालीका प्रहरी निरीक्षक खगेन्द्र साउँदले विष्टले मादक पदार्थ सेवन गरी शुक्रबार राति आफ्नै घरको बीचको कोठामा आगो लगाएको बताए।
आगो लगाउँदा कोठाभित्र रहेको सोफा, वाईरिङ तार, लत्ता कपडा ६० हजार रुपैयाँ बराबरको सामान जलेर नष्ट भएको छ। प्रहरी र स्थानीयको सहयोगमा राति नै आगो नियन्त्रणमा आएको प्रहरीले बताएको छ। आफ्नै घरमा आगो लगाउने विष्टलाई प्रहरीले पक्राउ गरेको छ।
प्रतिक्रिया दनुहोस्