दोधारा-चाँदनी सुख्खा बन्दरगाह निर्माण भारतले गर्ने

कञ्चनपुर: सुदूरपश्चिम प्रदेशको कञ्चनपुरमा सुख्खा बन्दरगाह निर्माण गर्न नेपाल र भारतबीच सहमति भएको छ। प्रधानमन्त्री पुष्पकमल दाहाल प्रचण्डको भारत भ्रमणका क्रममा उक्त परियोजना निर्माणको जिम्मा भारतलाई दिइएको हो ।

उक्त सम्झौतामा नेपालका तर्फबाट वाणिज्य तथा आपूर्ति सचिव मधुकुमार मरासिनी र नेपालका लागि भारतीय राजदूत नवीन श्रीवास्तवले समझदारी पत्र साटासाट गरे ।

नेपालले कञ्चनपुरमा सुख्खा बन्दरगाह निर्माणका लागि वातावरणीय प्रभाव मूल्याङ्कन गरेको छ । उक्त परियोजना कञ्चनपुरको दोधारा–चाँदनी क्षेत्रमा पर्छ।

नेपालले वातावरणीय प्रभाव मूल्याङ्‍कन अध्ययन समेत सकिसकेको उक्त परियोजना कञ्चनपुरको दोधारा–चाँदनी क्षेत्रमा निर्माण हुनेछ ।