कञ्चनपुरमा डेरामा बस्नेले घरबेटीलाई बेहोस पार्ने जुस खुवाए, बेहोस भएपछी सर्वस्व लुटे !

कञ्चनपुरः कञ्चनपुरमा दुई जना भारतीय चोरी गरेर फरार भएका छन् ।

जिल्लाको भीमदत्त नगरपालिका-४, गोबरीयाकी खगेश्वरी प्वालीको घरमा भाडामा बस्न आएका भारतीयले चोरी गरेका हुन् । उनीहरु दुई दिन अगाडि मात्रै प्वालीको घरमा कोठा भाडामा लिएर बसेका थिए । बुधवार राति उनीहरुले आफ्नो घरमा छोरा भएको भन्दै सबैलाई जुस खुवाएको र जुस खाएर सबैजना बेहोस भएका जिल्ला प्रहरी कार्यालय कञ्चनपुरले जनाएको छ ।

हिजो राति बेहोस भएका उक्त परिवारका सातै जनालाई महेन्द्रनगरस्थित महाकाली अस्पताल लगिएको र अहिले सबैजनालाई होस आइसकेको छ । घरबाट ४ हजार नगदसहित १० आनाको सुनको तिलहरी चोरी भएको कञ्चनपुर प्रहरीले जनाएको छ ।

कञ्चनपुर प्रहरीले अहिले उनीहरुको खोजी गरिरहेको छ ।