होटेल संघको अध्यक्षमा शाह निर्वाचित

काठमाडौँ। होटल संघ नेपाल (हान) को अध्यक्षमा विनायक शाह सर्वसम्मत निर्वाचित भएका छन्।

शाह १४औँ अध्यक्षका रूपमा सर्वसम्मत रुपमा निर्वाचित भएका हुन्। तर, आधिकारिक रुपमा घोषणा गर्न भने बाँकी छ।

वैशाख १५ शुक्रबार हुने संघको ४८औँ साधारणसभाबाट औपचारिक घोषणा हुनेछ।

संघमा सर्वसम्मत नेतृत्व चयन हुँदै आएको छ। निर्वाचन समितिले संघको कार्यसमितिको १८ जनाको नामावली सार्वजनिक गरेको छ।