दार्चुला: दार्चुलामा जीप दुर्घटना भएको छ । जिल्लाको महाकाली नगरपालिका–८ सुरकाडामा मंगलवार अप्राहन्न ५ बजेतिर जीप दुर्घटना भएको हो ।
जिल्ला सदरमुकाम खलंगाबाट गोकुलेश्वरतर्फ गइरहेको से १ ज ८४९ नम्बरको जीप र विपरीत दिशाबाट आउँदै गरेको म १ ज २७६ नम्बरको जीप आपसमा ठोकिएका ठोक्किदा दुर्घटना भएको जिल्ला प्रहरी कार्यालय दार्चुलाले जनाएको छ ।
जीपमा सवार मालिकार्जुन गाउँपालिका–१ की १४ वर्षीया सुनिता चैसिर सामान्य घाइते भएकी छन् । भने जीप चालक बैतडीको डिलाशैनी गाउँपालिकाका नवराज धामीको हात र खुट्टामा चोट लागेको छ । जीपमा दुई जना मात्र सवार रहेका थिए ।
प्रतिक्रिया दिनुहोस्