माओवादीलाई समेत सरकारमा सहभागी गराई मधेश प्रदेश सरकारले पूर्णता पायो

काठमाडाैँ – मधेश प्रदेश सरकारले पूर्णता पाएको छ । मुख्यमन्त्री सरोजकुमार यादवले नेकपा माओवादी केन्द्रलाई समेत सरकारमा सहभागी गराई मन्त्रीपरिषदलाई पूर्णता दिएका छन्।

उहाँले तेस्रो पटक मन्त्रीपरिषद विस्तार गरेका हुन्। उनले माओवादी केन्द्रबाट उद्योग वन तथा पर्यटन मन्त्रीमा सुनिता यादव र राज्यमन्त्रीमा रहबर अंसारीलाई नियुक्त गरेका हुन्। नवनियुक्त मन्त्री तथा राज्यमन्त्रीले आज दिउँसो १ बजे सपथ लिने कार्यक्रम तोकिएको छ। अब मधेश सरकारमा मुख्यमन्त्री, १० मन्त्री र चार राज्यमन्त्रीसहित १५ सदस्यीय मन्त्रीपरिषद हुनेछ।

यसअघि मुख्यमन्त्री यादवले पुस २९ गते तीन जना मन्त्री र माघ २० गते ६ मन्त्री र ३ राज्यमन्त्री नियुक्त गरेका थिए।