काठमाडौँ — नेपाली कांग्रेसका सभापति एवम् प्रधानमन्त्री शेरबहादुर देउवाले आसन्न निर्वाचनमा सत्ता गठबन्धनलाई सफल बनाउन आग्रह गरेका छन् । केन्द्रीय कार्यसम्पादन समितिको शुक्रबार बसेको बैठकमा सभापति देउवाले गठबन्धनको पक्षमा जनलहर सिर्जना हुने गरी माहोल बनाउन र पार्टी पंक्तिलाई परिचालन गर्न निर्देशन दिए ।
उनले गठबन्धनका कारण कांग्रेसभित्रै अन्तरघात नभए कांग्रेसले पनि राम्रो चुनावी परिणाम हासिल गर्ने बताए । ‘गठबन्धन र पार्टीभित्र अन्तरघात नभए राम्रो परिणाम आउँछ भन्ने लागेको छ ।’ देउवाको भनाई उदृत गर्दै काँग्रेसका एक नेताले भने ।
पार्टीभित्र गठबन्धनको पक्षमा माहोल बनाउन प्रधानमन्त्री देउवाले विगतमा तत्कालीन प्रधानमन्त्री केपी ओलीले संसद् विघटन गरेको, र चुनावको मिति घोषणा गर्दा आफूले निर्वाचनकै जानुपर्ने धारणा राखेको समेत स्मरण गरे । आफु पनिल्यै निर्वाचनको पक्षमा भएको पनि देउवाले स्मरण गरे । बाध्यताले बनेको गठबन्धनलाई सबैले मिलेर सफल बनाउन समेत देउवाले आह्वान गरे ।
प्रतिक्रिया दिनुहोस्