दाङ क्षेत्र नं. १ मा शान्ताले थालिन् घर दैलो अभियान, चुनाव जितेमा समस्या सामाधान गर्ने दाबी

काठमाडौँ – नेपाल कम्युनिष्ट पार्टी एमालेकी नेतृ शान्ता चौधरीले घरदैलो अभियान सुरु गरेकी छिन् ।
सोमबारदेखि चौधरीले निर्वाचन लक्षित घरदैलो अभियान थालेकी हुन् । वर्षाले मौसम प्रतिकुल भएपनि चौधरीले घरदैलो अभियानलाई तिव्रता दिएकी छिन् । ‘घरमा पानी चुहिएको देख्दा आफ्नै विगत झल्किएको छ’ घरदैलोका क्रममा चौरीले भनिन्, ‘यहि समस्या सामाधन गर्न यहि वस्तीबाट एमालेले मलाई उम्मेदवार बनाएर पठाएको हो ।’ आफुले जितेमा गाउँमा भएका तमाम समस्या सामाधान गर्ने चौधरीको दाबी छ । चौधरी एमालेको सचेतक समेत रहिसकेकी नेतृ हुन् ।

चौधरीले दाङ क्षेत्र नं. १ बाट प्रतिनिधि सभा सदस्यका लागि आइतबार उम्मेदवारी मनोनयन गरेकी छिन् । २०७४ सालमा समानुपातिक प्रणालीबाट संसद छिरेकी उनी यस पटक भने प्रत्यक्ष चिर्वाचनमा होमिएकी छिन् । उनी विरुद्ध उनकै सहयात्री गंगा चौधरीले बागी उम्मेदवारी दिएकी छिन् भने नेकपा एसका मेटमणी चौधरी उनीसँग प्रतिस्पर्धामा छन् । मेटमणी र शान्ता केही समय अगाडी सम्म एमालेमै रहेर काम गेरेका नेता हुन् ।