धनगढी : नेकपा एमाले डोटीको अध्यक्षमा मञ्जु मलासी विजयी भएकी छन् । सोमबार सम्पन्न निर्वाचनमा उनले शेरबहादुर मल्ललाइ ४४ मतको अन्तरले हराउँदै विजयी भएकी हुन । ४ सय १२ मतमध्य मलासीले २ सय १५ मत प्राप्त गरेकी थिइन् भने मल्लले १ सय ७१ मत ल्याएका थिए ।
मलासी नेकपा एमालेका नेता भीम रावल निकट मानिन्छन् भने मल्ल केपी ओली निकट नेताका रूपमा चिनिन्छन् । त्यस्तै उपाध्यक्ष पदमा खगेन्द्र बडैला विजयी भएका छन् । उनले १ सय ११ मत प्राप्त गर्दै सबै प्रतिस्पर्धीलाई पछि पारे । यो पदका लागि गणेश विष्टले १ सय ७, लक्ष्मण मलासी ९७, र चक्रबहादुर घर्ती ५८मत प्राप्त गरे। सचिव पदमा मलासी प्यानलका उम्मेदवार पदमबहादुर भट्टले २ सय ३७ मत प्राप्त गर्दै विजयी भए। उनका निकटतम प्रतिस्पर्धी धनबहादुर नेपालीले १ सय १९ मत प्राप्त गरे भने झलक पालीले ६८ मतमा चित्त बुझाए।
प्रतिक्रिया दिनुहोस्