धनगढी : धनगढीमा लागुऔषधसहित दुई युवक पक्राउ परेका छन् ।
धनगढी उपमहानगरपालिका-१० जुगेडा कटानमा शंका लागी चेकजाँच गर्दा सोही ठाउँ बस्ने २५ वर्षीय कमल सिंह बन्जारा थारु र लम्कीचुहा नगरपालिका-५ बस्ने ३५ वर्षीय काशिराम खड्का लागुऔषधसहित पक्राउ परेका हुन् ।
उनीहरुलाई सोमबार बेलुका भारतबाट नेपालतर्फ आउँदै गरेको अवस्थामा ६ ग्राम ४६० मिलिग्राम लागुऔषध खैरो हिरोइन जस्तो देखिने धुलो पदार्थ फेला पारी सुदूरपश्चिम प्रदेश प्रहरी कार्यालय धनगढी र जिल्ला प्रहरी कार्यालय कैलालीबाट संयुक्त रुपमा खटिएको प्रहरी टोलीले नियन्त्रणमा लिएको जनाएको छ ।
दुबै जनामाथि थप अनुसन्धान भइरहेको प्रहरीले बताएको छ ।
प्रतिक्रिया दिनुहोस्