धनगढीको उत्तरबेहडीमा टिप्परले ठक्कर दिँदा एक जना घाइते

धनगढी : कैलालीमा टिप्परको ठक्करबाट एक जना घाइते भएका छन्। धनगढी उपमहानगरपालिका–४ उत्तरबेहडीमा टिप्परले ठक्कर दिँदा गोदावरी नगरपालिका–४ का भक्तबहादुर साहु घाइते भएका हुन ।

मोटरसाइकल चलाएर गइरहेको साहुलाई कञ्चनपुरको बेदकोट नगरपालिका–१० का दिपकराज भट्टले चलाएको सुदूूरपश्चिम प्रदेश ०१००१ ख २२२१ नम्बरको टिप्परले ठक्कर दिएको थियो ।

टिप्परको ठक्करबाट उनको दायाँ खुट्टा, दाहिने हात र मुखमा चोट लागेको छ। टिप्पर र चालकलाई नियन्त्रणमा लिएको प्रहरीले जनाएको छ।