बैतडीमा एक वृद्ध बेपत्ता

बैतडी : बैतडीमा एक वृद्ध बेपत्ता भएका छन् । जिल्लाको पुर्चौंडी नगरपालिका–२ ल्याँटीका ७२ बर्षीय अमरबहादुर बम शनिबार बिहान देखि बेपत्ता भएका हुन् । 

शनिबार बिहान साढेसात बजेतिर घरपरिवारलाई कुनै जानकारी नदिएर घरबाट निस्केका बम अहिले सम्म नफर्केपछि उनको खोजी कार्यमा लागेको उनका छोरा दिपक बमले बताए । सम्भावित सबै ठाउँहरुमा खोजी गरिएपनि बमलाई फेला पार्न सकिएको छैन् । 

शनिबार बिहान करेसाबारीमा प्याज सार्नका लागि खन्दै गरेका दिपकले बुवा पसलतिर निस्केका थाहा पाएपनि अरु दिन पनि पसलमा जाने भएकाले त्यति वास्ता गरेका थिएनन् । तर पसलबाट नफर्केपछि शनिबारदेखि उनको खोजी भइरहेको छ । 

बम हराएको बिषयमा प्रहरीमा समेत निवेदन दिइसकेको बताइएको छ । बेपत्ता बमलाई कसैले फेला पारेमा नजिकको प्रहरी कार्यालय वा मोबाइल नम्बर ९८४२२४१८५९ मा सम्पर्क गरिदिन आग्रह गरिएको छ ।