धनगढी, लम्कीचुहा र भजनीमा सवारी दुर्घटना, तीन जना घाइते

धनगढी : कैलालीका तीन ठाउँमा सवारी दुर्घटना भएको छ । बिहीबार धनगढी, लम्कीचुहा र भजनीमा सवारी दुर्घटना भएको हो । दुर्घटनामा तीन जना घाइते भएका छन् ।

लम्कीचुहा नगरपालिका(३ खैरेनीमा महेन्द्रनगरदेखि काठमाडौँ जाँदै गरेको ना६ख ९४६७ नम्बरको बसले से३प ४४४५ नम्बरको मोटरसाइकललाई ठक्कर दिएको थियो ।

बसको ठक्करबाट घाइते भएका मोटरसाइकल चालक टीकापुर नगरपालिका(२ का २२ वर्षीय भरत टमटालाई उपचारका लागि कोहलपुर पठाइएको जिल्ला प्रहरी कार्यालयका डीएसपी कबिन्द्रसिंह बोहोराले बताए ।

धनगढी उपमहानगरपालिका(४ को यातायात कार्यालय जाने सडकमा नम्बर नखुलेको रातो रङको कारले ठक्कर दिँदा बैतडीको पाटन नगरपालिका(४ का ५० वर्षीय सुरेश विष्ट घाइते भएका छन् ।

मदिरा सेवन गरेर सडकमा पल्टिएको अवस्थामा उनलाई ठक्कर दिएर गाडी भागेको र उनको धनगढीमै उपचार भइरहेको प्रहरीले जनाएको छ ।

त्यसैगरी, भजनी नगरपालिका(१ मा स्थानीय सर्वजित चौधरीले चलाएको से४प१९९ नम्बरको मोटरसाइकलले परिचय नखुलेका ६७ वर्षीय साइकल यात्रीलाई ठक्कर दिएको छ । उनको स्थानीय स्वास्थ्य संस्थामा उपचार भइरहेको प्रहरीले बताएको छ ।