बैतडीको जगन्नाथ बाबा मन्दिरमा ३० गते जाँत लाग्ने 

धनगढी । कात्तिक ३० गते बैतडीमा जाँत (जात्रा) लाग्ने भएको छ । बैतडीको प्रसिद्ध जगन्नाथ बाबा मन्दिरमा जाँत लाग्ने भएको हो ।

हरेक वर्ष कात्तिक शुल्क चतुर्दशी र पुर्णिमाको दिन जगन्नाथ बाबा मन्दिरमा लाग्ने जाँत यसवर्ष पनि लाग्ने भएको छ ।

जाँतका लागि आवश्यक तयारी भइरहेको दशरथ चन्द नगरपालिका-४ स्थित जगन्नाथ बाबा मन्दिर समितिका अध्यक्ष करन बहादुर चन्दले बताएका छन् ।

जाँत हेर्न र देबताको दर्शन गर्न सुदूरपश्चिमका नौ जिल्ला र छिमेकी देश भारतबाट समेत हजारौँको संख्यामा श्रद्धालु आउने चन्दले बताएका छन् ।