धनगढी : कैलालीमा तीन जना फरार प्रतिवादी पक्राउ परेका छन् । विभिन्न मुद्दामा फरार रहेका तीन जनालाई प्रहरीले बुधबार पक्राउ गरेको हो ।
पक्राउ पर्नेमा चोरी मुद्दामा एक महिना कैद सजाय, ४५ हजार ८०० रुपैयाँ जरिबाना तोकिएका गोदावरी नगरपालिका-८ बस्ने ३५ वर्षका गंगाराम चौधरी, सोही मुद्दामा २३ दिन कैद सजाय, ४ हजार रुपैयाँ जरिबाना तोकिएका गोदावरी-१ बस्ने २५ वर्षका विनित बडु र ज्याम मार्ने उद्योग मुद्दामा २ वर्ष ५ महिना ३ दिन कैद सजाय, २५ हजार रुपैयाँ जरिबाना तोकिएका धनगढी उपमहानगरपालिका-१६ बस्ने २७ वर्षका धर्मसिह बोहरा रहेका छन् ।
जिल्ला अदालत कैलालीको फैसलाले कैद सजाय तथा जरिबाना ठहर भई फरार रहेका उनीहरुलाई जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी टोलीले पक्राउ गरेको प्रदेश प्रहरी कार्यालय धनगढीले जनाएको छ ।
प्रतिक्रिया दिनुहोस्