धनगढी : कैलालीबाट लागू औषध चरेस सहित २ युवा युवती पक्राउ परेका छन । आइतबार बर्दगोरिया गाउँपालिका – २ बौनिया बजारबाट चरेस सहित घोडाघोडी नगरपालिका – ७ का २५ वर्षीय अर्जुन बिक र गौरिगंगा नगरपालिका – ७ की २६ वर्षीय निशा चौधरी पक्राउ परेका हुन ।
बौनिया बजारमा सवारी चेक–जाँचको क्रममा से १ ख ११८८ नम्बरको बसमा सवार उनीहरुलाई शंका लागि चेकजाँच गर्दा निशाको साथबाट लागु औषध चरेश जस्तो देखिने कालो पदार्थ बरामद गरिएको प्रदेश प्रहरी कार्यालय धनगढीले जनाएको छ ।
२०.५० ग्राम तौल भएको उक्त चरेस सहित दुबै जनालाई इलाका प्रहरी कार्यालय सडकपुर बौनियाबाट खटिएको प्रहरी टोलीले नियन्त्रणमा लिएर थप अनुसन्धान गरिरहेको जनाइएको छ ।
प्रतिक्रिया दिनुहोस्