काठमाडौं : बंगलादेश क्रिकेट टोलीका अलराउन्डर शकिब अल हसनले अन्तर्राष्ट्रिय क्रिकेट करियरबाट सन्यास लिने तयारी गरेका छन् ।
अक्टोबर–नोभेम्बरमा हुने दक्षिण अफ्रिकाविरुद्धको सिरिज उनको अन्तिम टेस्ट सिरिज होस् भन्ने उनको चाहना छ । भारत भ्रमणमा रहेका शकिबले बिहीबार पत्रकार सम्मेलन गर्दै यस्तो बताएका हुन् ।
दक्षिण अफ्रिकी टोली अर्को महिना टेस्ट सिरिज खेल्न बंगलादेश जाँदैछ । यदि शकिबलाई दक्षिण अफ्रिकाविरुद्धको टेष्ट सिरिजका लागि छनोट भएन भने कानपुर टेस्ट उनको अन्तिम टेस्ट म्याच हुन सक्छ ।
हसनविरुद्ध दुई महिनाअघि राजधानी ढाकासहित विभिन्न शहरमा भएको विद्यार्थी आन्दोलनमा भएका हत्याका घटनामा संलग्न रहेको आरोपमा मुद्दामा दर्ता भइसकेको छ । उनलाई यसअघि पाकिस्तान भ्रमणमा रहेको बंगलादेशको टोलीबाट पनि हटाउन माग गरिएको थियो ।
प्रतिक्रिया दिनुहोस्