पहिरो खस्दा पाटन पञ्चेश्वर सडक अवरुद्ध

बैतडी : बैतडीको पाटन पञ्चेश्वर सडक अवरुद्ध भएको छ । बुधबारदेखिको लगातारको वर्षाले अर्तोला क्षेत्रमा पहिरो खस्दा उक्त सडक अवरुद्ध भएको हो । बिहीबार बिहान अर्तोलामा पहिरो खस्दा उक्त सडक खण्ड अवरुद्ध भएको प्रहरीले जनाएको छ ।

जिल्ला प्रहरी कार्यालय बैतडीका प्रवक्ता एवं प्रहरी निरीक्षक जनकराज ढुंगानाका अनुसार सडक अवरुद्ध हुँदा तल्लो स्वराडसँगको सडक सम्बन्ध टुटेको छ । उक्त क्षेत्रमा अवरुद्ध सडक नखुल्दा तल्लो स्वराडबाट बाहिरिने र भित्रिने सवारी तथा यात्रु बाटोमै रोकिएका छन् ।

अवरुद्ध सडक खुलाउन पहल भइरहेको जिल्ला प्रहरी कार्यालय बैतडीले जनाएको छ ।