कैलाली : कैलालीमा बुधबार स्कारपियो र मोटरसाइकल ठोक्किएर दुर्घटना भएको छ ।
कैलालीको गेटामा गोदावरी नगरपालिका-६ का ३४ वर्षीय भोजलाल चौधरीले चलाएको सुदूरपश्चिम प्रदेश ०१००१ च ४०४६ नम्बरको स्कारपियो र गोदावरी-६ कै सुनिल डंगौराले चलाएको सुदूरपश्चिम प्रदेश०१ ०१२ प ५६३४ नम्बरको मोटरसाइकल एकआपसमा ठोक्किएर दुर्घटना भएको प्रहरीले बताएको छ ।
दुर्घटनामा मोटरसाइकल चालक डंगौरा र मोटरसाइकल पछाडि सवार महेन्द्र चौधरी घाइते भएका इलाका प्रहरी कार्यालय मालाखेतीले बताएको छ । दुबै जनाको मायामेट्रो अस्पताल धनगढीमा उपचार भइरहेको छ ।
प्रतिक्रिया दिनुहोस्