धनगढी : नेपाल यातायात मजदुर संघ कैलालीको आयोजनामा यातायात क्षेत्रमा कार्यरत यातायात कर्मीहरुको लागि निशुल्क स्वास्थ शिविर गरि रहेको छ। ॐ श्री नगर डेन्टल क्लिनिकको सहकार्यमा असोज १, २ र ३ गते ३ दिन सम्म धनगढीको पार्कमोडमा शिविर गरि रहेको छ।
क्लिनिकले आफ्नो २१ औँ स्थापना दिवसको अवसरमा यातायात क्षेत्रमा कार्यरत यातायात कर्मीहरुको दन्तको निशुल्क परिक्षण गरिने ॐ श्री नगर डेन्टल क्लिनिकका सञ्चालक प्रेम सिंह शर्मा बताए ।
३ दिने निशुल्क दन्त शिविर परिक्षणमा एक्सरे, चेकजाँच,दाँत निकाल्ने , दाँत भर्ने र सवै दात सफा गर्ने सञ्चालकले नेपाल यातायात मजदुर संघ कैलालीले आयोजना गरेको कार्यक्रममा बताए।
यातायात मजदुरहरुको लागि ३ दिने निशुल्क दन्त शिविर गरिदिएकोमा नेपाल यातायात मजदुर संघ कैलाली आभारी छ । साथै आगामी दिनमा पनि यस्ता कार्यहरू यातायात मजदुरहरुका हक हितका लागि गर्ने समेत नेपाल यातायात मजदुर संघ कैलालीका अध्यक्ष जङ्ग श्रीमालले बताए ।
नेपाल यातायात मजदुर संघ कैलालीको आयोजनाको ३ दिने निशुल्क दन्त शिविर कार्यक्रमको सञ्चालन लोकतन्त्रिक व्यवसायी महासंघका प्रदेश सचिव भिम बहादुर कुवँरले गरेका थिए ।
प्रतिक्रिया दिनुहोस्