बलिउड अभिनेत्री अदितिले दोस्रो बिहे गरिन् !

एजेन्सी : बलिउड अभिनेत्री अदिति राव हैदरीले अभिनेता सिद्धार्थसँग बिहे गरेकी छिन् । अभिनेता अभिनेत्रीले सामाजिक सञ्जालमा आफ्नो बिहेको फोटो हालेका थिए ।

यी दुईले वानापार्थीको चार सय वर्ष पुरानो मन्दिरमा बिहे गरेका छन् । बिहेमा बेहुला बेहुलीको परिवारका सदस्य र नजिकका आफन्तहरू मात्रै सहभागी भएका थिए ।

अदितिको यो दोस्रो बिहे हो । यसअघि उनले अभिनेता सत्यदीप मिश्रासँग बिहे गरेकी थिइन् । उनको यो बिहे सन् २००९ देखि सन् २०१३ सम्म चल्यो । अदितिका पहिलो पतिले दिग्गज अभिनेत्री नीना गुप्ताकी छोरी तथा फेशन डिजाइनर मसाबा गुप्तासँग बिहे गरेका छन् ।