कञ्चनपुर : कञ्चनपुरमा दुई जनाबीच आपसमा विवाद हुँदा एक जनाले खुकुरी प्रहार गरेका छन् । शनिबार आपसी विवादका क्रममा बेलौरी नगरपालिका-२ का ३२ वर्षीय तिलक पाण्डेले पुनर्वास नगरपालिका-१ बलभद्र बस्तीका ३० वर्षीय प्रेम तामाङमाथि खुकुरी प्रहार गरेका हुन् ।
खुकुरी प्रहारबाट घाइते भएका तामाङको पुनर्वास–३ स्थित बिएन पोलिक्लिनिकमा उपचार भई अहिले घर फर्किएका इलाका प्रहरी कार्यालय त्रिभुवनबस्तीका प्रहरी निरीक्षक महेश विक्रम शाहीले बताए ।
खुकुरी प्रहार गर्ने पाण्डेलाई भारततर्फ जाँदै गरेको अवस्थामा सीमानाका नजिकैबाट नियन्त्रणमा लिई घटनाबारे अनुसन्धान भइरहेको प्रहरीले जनाएको छ ।
प्रतिक्रिया दिनुहोस्