बैतडी : बैतडीको पाटनस्थित भेटनरी अस्पताल तथा पशु सेवा विज्ञ केन्द्रको एक भवनमा हावाहुरीले क्षति पुर्याएको छ ।
शुक्रबार बिहान ११ बजेतिर बर्षासंगै आएको हावाहुरीले चारकोठे भवनको छानो उडाएको भेटनरी अस्पताल तथा पशु सेवा विज्ञ केन्द्रका नायब सुब्बा बिरसिंह महराले बताए । कार्यालय प्रमुखको निवासको रुपमा प्रयोग भइरहेको भवनको छानो हावाहुरीले उडाएको हो ।
भवनको छानो हावाहुरीले उडाएपछि भवनको पर्खालमा समेत समान्य क्षति पुगेको नायब सुब्बा महराले बताए । हावाहुरीले भवनमा झण्डै ८ लाख जतिको क्षति भएको अनुमान गरिएको छ ।
प्रतिक्रिया दिनुहोस्