बझाङमा पहिरोले जयपृथ्वी राजमार्ग अवरुद्ध : बिजुली र खानेपानीको सेवासमेत प्रभावित

बझाङ : बझाङको जयपृथ्वी राजमार्ग र राष्ट्रिय प्रसारण लाइनको विद्युत सेवा अवरुद्ध छ ।

अस्तिदेखि परेको पानीले तमैल बजार नजिकै बालुवा टावर भन्ने ठाउँमा पहिरो खस्दा राजमार्ग अवरुद्ध भएको हो । पहिरोले पोल र तारमा क्षति पुगेको छ । लामो तथा छोटो दूरीका गाडी चल्न सकेका छैनन् ।

बझाङका प्रमुख जिल्ला अधिकारी विश्वामित्र कुइकेलले सडक खुलाउन सडक डिभिजन कार्यालयसँग समन्वय गरिएको बताउनु भयो । उहाँले सुख्खा पहिरो लगातार खस्दा समस्या भएको जानकारी दिनु भयो । सदरमुकाम चैनपुरमा खानेपानी सेवासमेत प्रभावित भएको छ ।