गोदावरीका ३ जना फरार प्रतिवादी पक्राउ

धनगढी : कैलालीको गोदावरीका ३ जना फरार प्रतिवादी पक्राउ परेका छन्।

बिहिबार लागूऔषध मुद्दामा २० दिन कैद सजाय र २ हजार जरिवाना तोकिएका गोदावरी नगरपालिका–१ बस्ने २८ वर्षीय बिनोद पन्त, लागूऔषध मुद्दामै १ महिना २० दिन कैद सजाय तोकिएको गोदावरी नगरपालिका–३ बस्ने २३ वर्षीय समिर बिक र चेक अनादर मुद्दामा १ हजार जरिवाना तोकिएको गोदावरी नगरपालिका–७ का २५ वर्षीय दलबहादुर रावल पक्राउ परेका हुन ।

तीनै जनालाई इलाका प्रहरी कार्यालय मालाखेतीबाट खटिएको प्रहरी टोलीले पक्राउ गरेको जनाइएको छ ।