धनगढी : कैलालीको टीकापुरका चन्द्रप्रकाश सापकोटा प्युठानमा मृत फेला परेका छन । टीकापुर नगरपालिका – १ ज्योतिनगर घर भएका सापकोटा प्युठानको ऐरावती गाउँपालिका – ६, स्थित जनता माध्यमिक विद्यालय बिजुलीमा कार्यरत थिए ।
उनी विद्यालयदेखि करिब दुई किलोमिटर टाढा बाटोमा मृत अवस्थामा भेटिएको जिल्ला प्रहरी कार्यालय प्युठानले जनाएको छ । माध्यमिक विद्यालय तहमा स्थायी दरबन्दी रहेका शिक्षक सापकोटा विद्यालयमा बस्दै आएका थिए । उनी गाउँपालिकामा सञ्चालन भएको तालिमबाट फर्किने क्रममा घटना भएको प्रहरीको अनुमान छ ।
प्रहरीका अनुसार मृतक सापकोटाको शरीरमा बाहिरी चोटपटक देखिएको छैन । शवको पोष्ट मार्टम गरी आफन्तलाई बुझाएको सूचना अधिकारी केसीले बताए । गजल साहित्यमा दख्खल राख्ने सापकोटा टीकापुरस्थित रेडियो नमस्ते, रेडियो फुलबारी एफ.एम.मा लामो समय कार्यक्रम प्रस्तोताको रुपमा कार्यरत थिए ।
प्रतिक्रिया दिनुहोस्