गोदावरीमा एक बालकको शव फेला

कैलाली : कैलालीको गोदावरी नगरपालिकामा एक बालकको शव फेला परेको छ ।

गोदावरी नगरपालिका–४ बसन्तपुरका १० वर्षीय बालक सुनील साउँदको सोमबार साँझ शव फेला परेको हो । इलाका प्रहरी कार्यालय मालाखेतीका प्रमुख प्रहरी नायब उपरीक्षक गंगाबहादुर थापाले बालकको शव घरभित्र कोठामा झुण्डिएको अवस्थामा फेला परेको बताउनुभयो ।

दश वर्षीय  बालक झुण्डिएको अवस्थामा शव भेटिएपछि घटनाको अनुसन्धान भइरहेको जानकारी दिनुभयो ।मृत बालकको शव परीक्षणका लागि सेती प्रादेशिक अस्पतालमा लगिएको छ ।