धनगढी : कैलालीको गोदावरी नगरपालिकाले ६ लेन सडकमा स्मार्ट सडक बत्ती जडान गर्ने भएको छ।
नगरपालिकाले १६ महिनाअघि नै विद्युत प्राधिकरणसँगको साझेदारीमा बत्ती जडानका लागि रकम जम्मा गरिएको भए पनि पहिलो टेण्डर रद्द गरिएको थियो।
गोदावरी नगरपालिकाभित्र पर्ने ६ लेन सडकमा चालु आर्थिक वर्षभित्रै स्मार्ट बत्ती बाल्ने योजना अनुसार दोस्रो पटक टेण्डर आह्वान गरिन लागेको हो। करिब ७ किलोमिटरमा चालु आर्थिक वर्षभित्रै झिलिमिली हुने नगरपालिकाको दाबी छ। नेपाल विद्युत प्राधिकरण र गोदावरी नगरपालिकाको लागत साझेदारीमा स्मार्ट सडक बत्ती जडान हुने भएको छ।
नगरपालिकाको ६५ प्रतिशत र प्राधिकरणको ३५ प्रतिशत लगानीमा स्मार्ट सडक बत्ती जडान हुने नगर प्रमुख बिरेन्द्र भट्टले बताए।
प्रतिक्रिया दिनुहोस्