बैतडीका एक युवकको भारतमा मृत्यु

बैतडी : बैतडीका एक युवकको भारतमा मृत्यु भएको छ । रोजगारीको सिलसिलामा भारतमा रहेका सुर्नया गाउँपालिका–४ नोडालेकका अन्दाजी २१ वर्षीय सोनु महराको मृत्यु भएको स्थानीय प्रिन्स महराले जानकारी दिए ।

भारतको पानीपथमा काम गर्दै आएका महराको आइतबार राति मृत्यु भएको र सोमबार घरपरिवारलाई खबर आएको उनले बताए । उनको शव रेलको लिकमा फेला परेको थियो ।

मृतक महराका बुवा रोजगारीको सिलसिलामा पहिला नै भारतबाट बेपत्ता भएका थिए । घरमा एक्ली आमा र मानसिक समस्या भएका दाजुमात्रै रहेका स्थानीय केशव भट्टले बताए ।