धनगढी : कैलालीमा प्रहरीले ५ जना फरार प्रतिवादी पक्राउ गरेको छ । जिल्ला अदालत कैलालीको फैसलाले कैद सजाय तथा जरिबाना ठहर भई फरार रहेका ५ जनालाई सोमबार जिल्ला प्रहरी कार्यालय कैलाली तथा मातहत प्रहरी कार्यालयबाट खटिएको टोलीले पक्राउ गरेको हो ।
प्रहरीका अनुसार पक्राउ पर्नेमा लागुऔषध मुद्दामा ४ महिना १२ दिन कैद सजाय तोकिएका टीकापुर नगरपालिका-१ बस्ने २६ वर्षका रोशन सुनार, सवारी ज्यान मुद्दामा ६ महिना कैद सजाय तोकिएका टीकापुर-१ कै ४० वर्षका रोमी साउँद र लागुऔषध मुद्दामा ४ दिन कैद सजाय २ हजार रुपैयाँ जरिबाना तोकिएकी बर्दियाको गुलरिया नगरपालिका-९ बस्ने १९ वर्षकी मुस्कान विक रहेकी छन् ।
त्यसैगरी चोरी मुद्दामा १४ हजार १०० रुपैयाँ जरिबाना तोकिएका लम्कीचुहा नगरपालिका-५ बस्ने २१ वर्षका प्रकाश विक र जुवातास मुद्दामा ३ सय रुपैयाँ जरिबाना तोकिएका लम्कीचुहा नगरपालिका-१ बस्ने ४६ वर्षका केशर बोगटी पक्राउ परेका प्रहरीले बताएको छ ।
प्रतिक्रिया दिनुहोस्