आलितालमा पहिरो खस्दा बुडर–जोगबुढा सडक अवरुद्ध

धनगढी : डडेल्धुरा आलिताल गाउँपालिका – ८ सुनखोलामा पहिरो खस्दा बुडर– जोगबुढा भित्र सडक अवरुद्ध भएको छ । लगातारको वर्षाले सडक माथिबाट पहिरो खस्दा सडक अवरुद्ध भएको जिल्ला प्रहरी कार्यालय डडेल्धुराले जनाएको छ ।

प्रहरीले डडेल्धुरा – डोटी जोड्ने केआई सिह राजमार्ग सुचारु भएको जनाएको छ । गन्यापधुरा गाउँपालिका २ रडुवामा पहिरो खस्दा सो सडक अवरुद्ध भएको थियो । अहिले सडक एकतर्फी सुचारु भएको प्रहरीको भनाइ छ ।

पहिरोले अवरुद्ध भएको भीमदत्त राजमार्ग अन्तरगत डडेल्धुरा–बैतडी सडक पनि सुचारु भइसकेका छ । डडेल्धुराको अमरगढी नगरपालिका – ६ को भालुमारेमा पहिरो खस्दा सो सडक अवरुद्ध भएको थियो ।