धनगढी : कञ्चनपुरबाट लागूऔषध सहित प्रहरीले ३ जनालाई पक्राउ गरेको छ । शुक्रबार वडा प्रहरी कार्यालय महेन्द्रनगरबाट खटिएको प्रहरी टोलीले लागूऔषध खैरो हेरोइन सहित भीमदत्त नगरपालिका – ४ बसपार्कबाट ३ जनालाई पक्राउ गरेको हो ।
पक्राउ पर्नेमा बझाङको खप्तड छान्ना गाउँपालिका – ३ घर भई हाल भीमदत्त नगरपालिका – ४ बसपार्क स्थित कोठा गरि बस्ने बर्ष २८ को सुजल खड्का र उनकै कोठामा बसिरहेका भीमदत्त नगरपालिका–६ का २९ वर्षीय गणेश बिक, भीमदत्त नगरपालिका – १५ का २७ वर्षीय प्रकाश भण्डारी रहेको प्रदेश प्रहरी कार्यालय धनगढीले जनाएको छ ।
प्रहरीले शंकास्पद रुपमा बसिरहेको अबस्थामा खान तलासी गर्दा प्रकाश भण्डारीको साथबाट ०.०९ ग्राम र खाटमुनि फालेको अवस्थामा १.१८ ग्राम लागू औषध खैरो हेरोईन जस्तो देखिने धुलो पदार्थ बरामद गरिएको जनाएको छ ।
लागूऔषध सहित तिनै जनालाई नियन्त्रणमा लिएर थप अनुसन्धान भईरहेको प्रहरीको भनाइ छ ।
प्रतिक्रिया दिनुहोस्