अछाममा करेन्ट लागेर एक बालकको मृत्यु

काठमाडौँ : अछाममा बाटोमा चुँडिएको बिजुलीको तारबाट करेन्ट लागेर एक बालकको मृत्यु भएको छ। जिल्लाको तुर्माखाँद गाउँपालिकामा आज (मङ्गलवार) दिउँसो एक बालकको ज्यान गएको हो।

तुर्माखाँद गाउँपालिका–७ को कालाखोला नजिक सोही गाउँपालिका–६ रानीवन निवासी धर्म कामीका छोरा अन्दाजी १५ वर्षीय विमल कामीको घटनास्थलमै ज्यान गएको हो।

स्थानीयका अनुसार मृतक र उनका भाइ झंकर विक तुर्माखाँद गाउँपालिकामा अध्ययन सामग्री किन्न गइरहेका बेला घटना भएको थियो । विमलसँगै गएका झंकर भने सकुशल रहेका छन।