पोखरा : धनगढीबाट काठमाडौं उडेको श्री एयरलाइन्सको जहाज पोखरा अवतरण भएको छ ।
जहाजमा प्राविधिक समस्या देखिएपछि डाइभर्ट गरेर पोखरा विमानस्थलमा आपत्कालीन अवतरण गरिएको हो ।
धनगढीबाट बिहान ९ः१५ बजे उड्ने भनिएको जहाज १० बजे उडेको थियो । सामान्य प्राविधिक समस्या देखिएकाले पोखरा डाइभर्ट गर्नुपरेको जानकारी गराइएको थियो ।
श्री एयरलाइन्सको पोखरा इन्चार्ज नवदीप केसीका अनुसार इन्डिकेटरमा समस्या देखिएका कारण काठमाडौं उडेको जहाजलाई डाइभर्ट गरी पोखरा अवतरण गरिएको हो ।
इन्जिनियरद्वारा प्राविधिक चेकजाँच भइसकेर काठमाडौं उड्न लाग्दा धनगढीबाट आएका यात्रुले नमानेको एयरलाइन्सले जनाएको छ ।
यात्रुहरू अहिले पोखरा विमानस्थलमै छन् । यात्रुहरु अर्को जहाजको प्रतिक्षामा छन् ।
एक साताअघि पनि धनगढीबाट काठमाडौं उडेको श्री एयरलाइन्सकै जहाज भैरहवामा आपत्कालीन अवतरण भएको थियो ।
प्रतिक्रिया दिनुहोस्