बंगलादेशविरुद्ध नेपालको खराब प्रर्दशन नवौं ओभर पूरा नहुँदै तेस्रो विकेट गुमायो

धनगढी- दक्षिण अफ्रिकामा जारी यू–१९ विश्वकप क्रिकेटमा नेपालले बंगलादेशविरुद्ध तेस्रो विकेट गुमाएको छ ।

अर्जुन कुमाल २६ बलमा १४ रन बनाएर आउट भएका हुन् । यो बेला नेपालले ८.३ ओभरमा २९ रन बनाएको थियो ।यसअघि पहिलो विकेटका रुपमा विपीन रावल १२ बलमा २ रन बनाएर आउट भएका थिए ।

त्यसअघि आकाश त्रिपाठी १३ बलमा ३ रन बनाएर पवेलियन फर्किएका थिए ।नेपालले टस जितेर पहिले ब्याटिङ गरिरहेको हो । नेपालले अहिले सुपर सिक्सको पहिलो खेल खेलिरहेको हो । दोस्रो खेलमा नेपालले शुक्रवार भारतसँग खेल्नेछ ।

समूह चरणमा खेलेका तीन खेलमध्ये नेपाल न्युजिल्यान्ड र पाकिस्तानसँग पराजित भएको थियो । तर, अफगानिस्तानलाई हराउँदै नेपालले सुपर सिक्सको यात्रा तय गरेको थियो ।