धनगढी- सत्ता गठबन्धनमा आबद्ध दलहरूले राष्ट्रियसभा निर्वाचनमा आफ्ना उम्मेदवारलाई विजयी गराउन निर्वाचन केन्द्रीय समन्वय समिति गठन गरेका छन् ।
नेपाली कांग्रेस संसदीय दलका प्रमुख सचेतक रमेश लेखकको संयोजकत्वमा तीन पार्टीका सदस्य रहेको समिति गठन गरेका हुन् । समितिले सातवटै प्रदेश र ७७ वटै जिल्लामा राष्ट्रियसभा निर्वाचन जिल्ला समन्वय समिति गठन गर्ने निर्णय गरेको छ ।
केन्द्रीय समितिमा नेकपा (माओवादी केन्द्र)बाट वर्षमान पुन, नेकपा (एकीकृत समाजवादी)बाट राजेन्द्रप्रसाद पाण्डे र जनता समाजवादी पार्टी (जसपा)बाट मनीष सुमन सदस्य छन् ।
आगामी माघ ११ हुने राष्ट्रियसभाको निर्वाचनमा सत्ता गठबन्धनका दलले सर्वसहमतिमा १९ सिटमै उम्मेदवार उठाएका छन् ।
प्रतिक्रिया दिनुहोस्