धनगढी, २४ असोज । कैलाली र कञ्चनपुरका विभिन्न स्थानबाट भन्सार छलीका सामान बरामद गरिएको छ ।कञ्चनपुरको पुनर्वास नगरपालिका–११ डोकेबजारबाट अबैध रुपमा भारतबाट भन्सार छली ल्याएका अन्दाजी ८५ हजार मूल्य बराबरको लेडिज सुट, गुट्का लगायतका सामान बरामद गरेको हो ।
यस्तै शुक्लाफाँटा नगरपालिका–११ कलुवापुर चोक स्थित सडक किनाराबाट अन्दाजी ३२ हजार ७ सय ५० मूल्य बराबरको चिनी, मिश्री लगायत श्रृंगारका सामान र बेलौरी नगरपालिका ७ पौलाहा चोकबाट अन्दाजी ६३ हजार २ सय मूल्य बराबरको ग्रिस, एयर फिल्टर, फ्युल फिल्टर,
भारतीय नम्बर प्लेटको मोटरसाईकल १ थान लगायतका सामान गरि अन्दाजी १ लाख ८० हजार ९ सय ५० मूल्य बराबरको सामान मंगलबार बेवारिसे अबस्थामा फेला पारी नियन्त्रणमा लिएको प्रहरीले जनाएको छ ।
यस्तै कैलालीको बर्दगोरिया गाउँपालिका २ बौनिया स्थित भजनी सडक खण्डबाट भन्सार छलीका अन्दाजी ४३ हजार ५ सय ५० मूल्य बराबरको जुता, चप्पल मंगलबार प्रहरी गस्ती टोलीले बेवारिसे अबस्थामा फेला पारी नियन्त्रणमा लिएको कैलाली प्रहरीले जनाएको छ ।
प्रतिक्रिया दिनुहोस्