मन्जुश्री फाईनान्सको शाखा सर्यो

धनगढी: मन्जुश्री फाइनान्स लिमिटेड धनगढी शाखा पुरानो ठाउबाट नया ठाँउमा सरेको छ । धनगढी चौराहामा रहेको शाखा कार्यालय मल्ल आयलको अगाडि महाविर भोजनालयको छेउमा रोयल कम्प्लेक्समा सरेको शाखा प्रमुख हेमराज बिनाडीले जानकारी दिए ।

उनले भने “उत्कृष्ट ठाउँमा आएका छौ,ग्राहकलाई सुविधाजनक सेवा दिनका लागि नया डेकुरेशन र सहजै पहुँच पुग्ने गरि शाखा स्थानान्तरण गरेका हौ !” पुरानो शाखा कार्यालय भन्दा पुर्व दिशामा करिब ९०० मिटर अगाडि (धनगढी -क्याम्पसरोड लाईन) मा शाखा कार्यालय सरेको छ । औपचारिक उद्घाटन केही समय पछि हुने र कारोबार आज अर्थात् २०८० भाद्र १० गते बाट नै हुने शाखा प्रमुख बिनाडिले जानकारी दिए ।

कुल चुक्ता पूँजी १ अर्ब ३५ करोड रहेको मन्जुश्री फाइनान्स लिमिटेड कम्पनीको देशभर २७ वटा शाखा रहेका छन् । हाल उक्त फाइनान्सले मुद्धती निक्षेपमा १२.५० प्रतिशत र बचत खातामा ८.२५ प्रतिशतसम्म र रेमिटेन्समा थप १ प्रतिशत ब्याजदर प्रदान गर्दै आएको छ ।