संसद अवरोधप्रति रास्वपाको असन्तुष्टी

धनगढी । राष्ट्रिय स्वतन्त्र पार्टी (रास्वपा)का सांसदहरुले पटकपटक संसद अवरोध भएको भन्दै असन्तुष्टि व्यक्त गरेका छन् । पछिल्लो समय प्रतिनिधिसभाको बैठक अवरोध हुँदा जनताका मुद्दाप्रति शीर्षनेताहरु जिम्मेवार नदेखिएको रास्वपाका सांसदहरुको आरोप रहेको छ ।

सोमबार पनि बैठक बस्न नसकेपछि रास्वपाका सांसदहरुले संसद दलीय भागबन्डाको बन्धक भएको आरोपसमेत लगाएका छन् । पार्टी सभापति एवं रास्वपाका संसदीय दलका नेता रवि लामिछानेले सदन गतिरोधप्रति सामाजिक सञ्जालमार्फत असन्तुष्टि पोखेका छन् ।

कैयौँ कानुन बनाउनुपर्नेछ, कैयौँ कानुनमा संशोधन गर्नुपर्नेछ । जनसरोकारका कैयौँ मुद्दामा छलफल र निर्णय गर्नुछ । तर संसद् चल्दैन, बार्गेनिङ चल्छ ।, सामाजिक सञ्जाल रविले लेखेका छन् । रास्वपाको संसदीय दलका प्रमुख सचेतक सन्तोष परियारले मुख्य तीन दलका कारण संसद वरुद्ध हुँदै आएको भन्दै आपत्ति जनाएका छन् ।