कञ्चनपुरबाट १० लाख बराबरको जिप र अबैध कुखुरासहित एक जना पक्राउ

धनगढी, २२ साउन । कञ्चनपुरमा १० लाख बराबरको जिप र अबैध कुखुरासहित एक जना पक्राउ परेका छन् । आईतवार राति जिल्लाको शुक्लाफाँटा नगरपालिका वडा नम्बर–११ कलुवापुरबाट १० लाख बराबरको जिप र अबैध कुखुरासहित शेरसिंह खडका पक्राउ पक्राउ परेका हुन् ।

इलाका प्रहरी कार्यालय झलारी कञ्चनपुरबाट खटिइएको प्रहरी टोलीले कञ्चनपुरको भिमदत्त नगरपालिका वडा नम्बर–११ का ४० वर्षीय चालक शेरसिंह खडकालाई म.१ च. ६९५ नम्बरको बलेरो जिपसहित पक्राउ गरेको हो ।

चेकजाँच गर्दा विलभरपाई नभएका अवैध बोईलर कुखुरा ५०० पिस फेला पारी बलेरो जिपसहित चालकलाई नियन्त्रणमा लिइएको कञ्चनपुर प्रहरीले जनाएको छ ।

इलाका प्रहरी कार्यालय झलारीका अनुसार आवश्यक कारवाहीका लागि भन्सार कार्यालय गड्डाचौकी पठाइएको छ ।